Г.Тукайның тууына 130 ел тулуга багышланган Россиякүләм бәйгегә эшләр кабул ителә

Татнетны үстерү фонды ТР Арча муниципаль районы Башкарма комитеты, Арча районы Мәгариф идарәсе һәм Кушлавыч төп гомумбелем мәктәбе белән берлектә Г.Тукайның тууына 130 ел тулуга багышланган, кул эшләре сәнгатенең «Әкияттә кунакта» Россиякүләм видео мастер-класслар бәйгесен тәкъдим итә.

Бәйгедә гомуми белем учреждениеләре белән беррәттән өстәмә белем бирү учреждениеләре, сәнгать мәктәпләре, махсус (коррекцион) мәктәпләр дә (!) катнаша ала.

Катнашучыларның эшләре 4 яшь категориясендә бәяләнәчәк:

  • мәктәпкәчә яшьтәге укучыларның эшләре (5-7 яшь);
  • башлангыч сыйныф укучыларның эшләре (7-10 яшь);
  • 5-8 нче сыйныф укучыларының эшләре (11-14 яшь);
  • 9-11 нче сыйныф укучыларының эшләре (15-17 яшь).

Иҗади эшләр Габдулла Тукай әсәрләрендәге әкияти геройларга багышланган булырга тиеш. Яшь категоряиләренә карап эшләргә таләпләр төрлечә. Гомуми таләпләр — видеороликның дәвамлылыгы 10 минуттан артмаска һәм зурлыгы 100 Мб’тан артык булмаска тиеш. Роликны MP4 форматында әзерләп җибәрергә тәкъдим ителә. Эшләр 14 нче марттан 15 нче апрельгә кадәр tukay130@yandex.ru адресы буенча электрон почтага кабул ителә.

Бәйгенең җиңүчеләрен бүләкләү тантанасы 22 апрель көнне Габдулла Тукайның туган авылы Кушлавычта (Татарстан Республикасы Арча муниципаль районы) — I Россиякүләм «Әдәби җәүһәрләр» татар әдәбиятын сөючеләр бәйгесенең финалы кысаларында үткәреләчәк, дип планлаштырыла.

Бәйгенең мәгълүмати иганәчеләре — «Белем.ру» татар мәгарифе порталы, «Идел» татар яшьләре журналы, «Арча хәбәрләре» газетасы, Кушлавыч сайты. Бәйгенең иганәчесе булырга теләүчеләр Татнетны үстерү фонды белән элемтәгә керә алалар.

Бәйгегә таләпләр белән бәйгенең нигезләмәсен укып танышырга була: НИГЕЗЛӘМӘ.

Барлык катнашучыларга да уңышлар теләп калабыз!

Комментарийлар

  1. Димитриева Лилия Габдулхаевна
    Апр 14, 2016 @ 22:52:58

    конкурста катнашырга телибез

  2. Димитриева Лилия Габдулхаевна
    Апр 14, 2016 @ 22:53:53

    https://cloud.mail.ru/public/v5vo/ZA4qcUory
    ссылка на видео

  3. Димитриева Лилия Габдулхаевна
    Апр 14, 2016 @ 23:14:52

    хотим участвовать в конкурсе
    https://yadi.sk/d/nobne5z4qzf2s

  4. admin
    Апр 15, 2016 @ 10:02:33

    Лилия ханым! Эшегезне кабул итеп алалар, оештыручыларга хәбәр иттек.

Комментарий язарга