АРТИСТНЫҢ МӘККӘСЕ КАЙДА?

К.Тинчуринның «Сүнгән йолдызлар» драмасындагы мулла малае – Надир мәхдүмне Зөлфәт Закировтан да оста уйнаучы юк. Актер яраткан театры буйлап экскурсия оештырды.

Театрда режиссер, артистлардан тыш балта осталары, тегүчеләр – тагын бик күп һөнәр ияләре эшли икән.

Кәрим Тинчурин исемендәге Татар дәүләт драма һәм комедия театрының иң талантлы актерларыннан берсе Зөлфәт Закиров татар театрының гади тамашачысы күрә алмаган почмаклары белән таныштырды.

“Идел” журналы Ютуб каналының “Казан: куллану инструкциясе” проектында гаҗәеп театр дөньясының үзенчәлекле якларын ачты. Грим бүлмәсендә актерның сәхнәдәге образга керү мизгелләрен дә күрә аласыз.Гомумән грим бүлмәсе артистлар өчен Мәккә кебек, видеоны карагач сез моңа инанырсыз.