Күргәзмәдә сүзлек запасларын баетырга мөмкин

Күргәзмә 20 апрель 15.00 сәгатьтә «Сәйдәш» мәдәният сараенда ачыла. 

Фешин исемендәге Казан сынлы сәнгать училищесы студентлары татар хәрефләре темасына күргәзмә әзерләгән. Бу хакта "Татар-информ" хәбәр итә.

Аларның Ә, Ө, Ү, Җ, Ң, Һ хәрефләре турында фантазияләре Туган тел көне уңаеннан оештырылган «Алифба» күргәзмәсендә тәкъдим ителә, диелә хәбәрдә.

Күргәзмәгә куелган эшләр татар халкының үзаңын формалаштыруның бер элементы була ала дип саный оештыручылар.

«Күргәзмәгә килүчеләр татар телендә язылган сүзләрне бик тиз истә калдырып сүзлек запасларын баетачаклар», - ди алар.