Сөй гомерне, сөй халыкны, сөй халыкның дөньясын!
  • Рус Тат
  • Реклама
    Яңалык/Эксклюзив

    АСРАМАГА АЛ МИНЕ (Гадел Низами шигыре)

    Идел, ноябрь, 1994 ел.

    Бер тәҗрибә ясыйсым килә:

    Кара карга асрыйсым килә!

    Тутый-мазар түгел, ә карга.

    Кара булсын. Булсын кап-кара.

    Алпан-тилпән атлап йөрсә дә,

    "Кар-карр!" диеп, йокым бүлсә дә,

    Күзгә туры карар иде ул,

    Һәр сүземне аңлар иде ул.

    Чытлыкланып, бушка сүз катмас,

    Көтмәгәндә китеп, соң кайтмас.

    Хыянәтсез булыр. Чәпчемәс.

    Реклама

    Караны - ак, юкны - хак димәс.

    Ул зур, сәер кара кош булыр,

    Күзе очкын, күңеле хуш булыр,

    Кенәридәй купшы булмас та,

    Ямьсез, ләкин тугры дус булыр.

    Бу тәҗрибәм, хәер уңмастыр -

    Өйдә карга асрап булмастыр:

    Таш фатирда, кара-карама,

    Яшәү яшәүмени каргага?

    Хөр дөньяга, чиста кырларга

    Асрамага ал мине, карга!

    Иң мөһим һәм кызыклы язмаларны Татмедиа Telegram-каналында укыгыз


    Нравится
    Поделиться:
    Комментарии (0)
    Осталось символов:
    Реклама
    • ИДЕЛ. ГЫЙНВАР САНЫН УКЫЙБЫЗ.
    • "Отмена ЕНВД. Что делать?"
    • ИДЕЛ, ДЕКАБРЬ. ЭЧТӘЛЕК
    • ЯЗЫЛЫРГА ӨЛГЕРЕГЕЗ!
    • ӘДӘБИ МАРАФОН. ФОТОРЕПОРТАЖ
    • БЕЛЕМ ҖӘҮҺӘРЛӘРЕ. ФОТОРЕПОРТАЖ
    • ПОЛИЦИОНЕР. ТИНЧУРИН ТЕАТРЫ
    • Кышкы язылу өчен бүләк от!
    • ӘДӘБИ СУД. ИДЕЛ.
    • ИДЕЛ. ЯШЬЛӘР ШУРАСЫ