КУНАК КЫЗЫ ("к"лы шигырь)

"Идел". №2. 2000 ел.

Кышлар китеп кошлар килә,

Каңгылдый кыр казлары.

Күңелләрем күтәрелә

Кайтса кунак кызлары.

Күзлим көн дә кунак кызын -

Кыйгач кара кашлары...

Күңелләремне көйдерә

Кыю күз карашлары.

Кояш кебек карый көлеп

Коңгырт-кара күзләре.

Кичке көтәм, кунак кызы,

Күңелсез көндезләрен.

Кунак кызы кайткан көндә

Кошлар күк канатланам.

Көзләрен киткәндә, кабат

Кайтуын көтеп калам.

Җәмил Ярулла шигыре