Сөй гомерне, сөй халыкны, сөй халыкның дөньясын!
  • Рус Тат
  • Реклама
    Яңалык/Эксклюзив

    КЫЗЛАР ХАТЛАРЫ

    Идел, №9, 2006 ел

    ***

    Әгәр минем сине сагынуымны,

    Әгәр сиңа булган ярсуымны

    Йөрәгемнән алып

    Җир куенына салсаң -

    Җирләр тетрәп,

    Таш кыялар коелып төшәр иде.

    Әгәр минем сине сагынуымны,

    Әгәр сиңа булган ярсуымны

    Йөрәгемнән алып

    Диңгез төпләренә салсаң, -

    Диңгез ташып,

    Бар дөньяны ташу күмәр иде...

    Әгәр минем сине сөюемне,

    Сине сагыну, сине көтүемне

    Раббым салса

    Синең йөрәгеңә -

    Нишләрсең? Ничек түзәрсең?

    Җәмилә ӘХТӘМОВА

    Реклама

    ***

    Сагыну

    Мин сагындым сине!

    Өзелеп-өзелеп хәтта сагындым!

    Мең оныттым, диеп сөйләнсәм дә,

    Хисләр кинәт дөрләп кабынды.

    Эх, бер генә сине - хыялымны -

    Якын янәшәмдә тоярга?!

    Ә аннары, салкын гына итеп:

    Яратмыйм, дип әйтеп куярга...

    Сагынмадым сине... - дигән булып,

    Эх, торырга тагын алдашып...

    ... Мин көтмәгән идем, нигә килдең -

    Хыялымда йөрим адашып.

    Мин сагындым сине!

    Күзләреңне,

    Сүзләреңне хәтта сагындым...

    Резеда ГОБӘЕВА

    Иң мөһим һәм кызыклы язмаларны Татмедиа Telegram-каналында укыгыз


    Нравится
    Поделиться:
    Комментарии (0)
    Осталось символов:
    Реклама
    • ИДЕЛ. ГЫЙНВАР САНЫН УКЫЙБЫЗ.
    • "Отмена ЕНВД. Что делать?"
    • ИДЕЛ, ДЕКАБРЬ. ЭЧТӘЛЕК
    • ЯЗЫЛЫРГА ӨЛГЕРЕГЕЗ!
    • ӘДӘБИ МАРАФОН. ФОТОРЕПОРТАЖ
    • БЕЛЕМ ҖӘҮҺӘРЛӘРЕ. ФОТОРЕПОРТАЖ
    • ПОЛИЦИОНЕР. ТИНЧУРИН ТЕАТРЫ
    • Кышкы язылу өчен бүләк от!
    • ӘДӘБИ СУД. ИДЕЛ.
    • ИДЕЛ. ЯШЬЛӘР ШУРАСЫ