Сөй гомерне, сөй халыкны, сөй халыкның дөньясын!
  • Рус Тат
  • Реклама
    ТАССР 100 ел
    Яңалык/Эксклюзив
    Видео
    • НАРКОТИКЛАРГА - ЮК

    «Син киттең дә...» (Фәнис Яруллин шигыре)

    Син киттең дә
    күңелем буп-буш калды,
    Бөтен яме бетте дөньяның.
    Канатлары сынган кош шикелле,
    Бәргәләнде ап-ак хыялым.

    Төн елгасын йөзеп чыга-чыга,
    Көчем бетеп, арып егылдым.
    Ярда син юк, әкрен генә үксеп,
    Ялгыз талга барып сыендым.

    Салкын җилгә күкрәгемне ачтым:
    - Суытыгыз минем йөрәкне.
    Җилләр кинәт кайнарланып китте,
    Өтеп-өтеп алды күкрәкне.

    Реклама

    Иренемдә елмаюлар сүнде,
    Йөзләремнән качты яктылык.
    Күңел кылы, өзеләм-өзеләм диеп,
    Бар көченә куйды тартылып.

    Ә бит, юкса, шаярудан гына
    Киткән кебек идем кабынып.
    Хыяллардан учак яга-яга
    Яшәрмендер, ахры, сагынып.

    2002.

    Иң мөһим һәм кызыклы язмаларны Татмедиа Telegram-каналында укыгыз


    Нравится
    Поделиться:
    Комментарии (0)
    Осталось символов:
    Реклама
    • Милек өчен салымны түләү - 1 декабрьгә кадәр
    • Бөтенроссия халык санын алу (ИНФОГРАФИКА)
    • ВИЧ-инфекция
    • Квалификацияләнгән электрон имза алыгыз
    • ФИНАНС КУЛЬТУРАСЫ
    • Бергә сайлыйбыз!
    • "Язмыш" газетасы
    • Китап тыңла!
    • Kazan Digital Week-2021 (1)
    • ТАВЫШ БИР: Иң матур җырчы гаиләсе