Сөй гомерне, сөй халыкны, сөй халыкның дөньясын!
  • Рус Тат
  • Реклама
    ТАССР 100 ел
    Яңалык/Эксклюзив
    Видео
    • НАРКОТИКЛАРГА - ЮК

    Альбина Шаһиморатованың тормыш кыйммәтләре

    Казан тамашачысы минем өчен – иң кадерле һәм мөһим тамашачы. Иң кайнар һәм көчле алкышларны Татарстанда кабул итәм. Үз илемдә җырлау – зур мәртәбә, һәр чыгышыма зур дулкынлану белән әзерләнәм. Казанда тумасам да, олы сәхнәгә беренче адымнарым биредә ясалды. Һәрвакыт ашкынып кайтам.

    Дөнья опера сәхнәсен яулар өчен гаять күп ихтыяр көченә һәм тырышлыкка ия булырга кирәк. Миңа һәрвакыт әти-әни булышып торды, хәзер дә аларның терәген тоеп яшим. Соңрак профессорлар: «Сине түләүле бүлектә укыту безнең хатабыз булган. Аспирантурага килегез, без сезне алабыз», – диделәр.

    Гаиләмә вакыт аз кала. Яңа образ, партияләрне өйрәнергә өлгереп булмый. Артистларның тормышы бик авыр. Гаилә тормышын һәм сәхнә карьерасын янәшә алып бару бик күп көч сорый. Шулай да минем өчен беренче урында – гаиләм, аннан соң гына сәхнә. Әти-әни тәрбиясе шундый. Мәскәүдә гаиләм янында бәхетле мизгелләр кичерәм, үземнең сәхнә йолдызы икәнем онытып, гади ир хатыны, назлы ана булып калам. Телефоным сүндереп куям. Тәмле ризыклар пешереп, якыннарымны сыйлыйм. Гаилә бәхетендә «коенам», юл мәшәкатьләреннән ял итәм. Ирем Руслан – табиб, мин пешергән үзбәк пылавын, мантый ашарга ярата. Җанымның яртысы, күз карашымнан ук аңлый, ярдәм итә. Аллага шөкер!

    Милли әсәрләр күңелне кузгата, моңландыра, калебне чистарта. Татарстанга сирәк кайткач, милли көйләргә шулкадәр сусыйм, сагынам. Чит илләрдә йөргәндә, татар халык көйләрен ишетсәм, күзләремә яшь килә. Баянга кушылып җырлау күңелгә рәхәтлек бирә. Гомумән, чит ил опера сәхнәләрендә мин милли моңнарыбызны юксынам. Мөмкинлек булган саен аларны җырларга тырышам, чөнки халык җырларын башкарганда күңел тынычлана. Дөнья сәхнәсендә Татарстанның халык артисты буларак чыгыш ясыйм.

    Мин татар фольклорында тәрбияләндем. «Әллүки», «Бөдрә тал», «Тәүфтиләү», «Сакмар су» әсәрләрен җырлап үстем. Безнең өебездә һәрвакыт Илһам Шакиров, Әлфия Афзалова, Рамил Курамшин моңнары ишетелеп торды.

    Опера җырчыларына һәрвакыт тавышны камилләштереп тору зарур. Эстрада җырчылары, гадәттә, тиз кабына да тиз сүнә. Ә без опера җырчыларына сәхнәгә чыкканчы, озак укырга, озак әзерләнергә кирәк! Конкурсларга йөрергә киңәш итәм. Сәхнәләрдә ешрак чыгыш ясарга.

    Сабак биргән укучыларым – Артур Исламов, Эльза Заяри, Айгөл Хисмәтуллина, Венера Протасова белән горурланам. Алар зур сәнгатьтә үз юлларын таптылар. Тамашачы аларны яратып кабул итә.

     

    Фотолар Альбина Шаһиморатованың шәхси архивыннан алынды

    Реклама

    Иң мөһим һәм кызыклы язмаларны Татмедиа Telegram-каналында укыгыз


    Нравится
    Поделиться:
    Комментарии (0)
    Осталось символов:
    Реклама
    • Бөтенроссия халык санын алу (ИНФОГРАФИКА)
    • ВИЧ-инфекция
    • Квалификацияләнгән электрон имза алыгыз
    • ФИНАНС КУЛЬТУРАСЫ
    • Бергә сайлыйбыз!
    • "Язмыш" газетасы
    • Китап тыңла!
    • Kazan Digital Week-2021 (1)
    • ТАВЫШ БИР: Иң матур җырчы гаиләсе
    • Хәтер