ФОТОКҮРГӘЗМӘ

Гөлиянең кулында һәрчак фотоаппарат булыр. Кояшка тиң елмаюы белән әсир итә дә «челт» иттереп кенә объективына да төшереп куя. Фотога төшерү белән мавыгуы 14 яшеннән – туган көненә әти-әнисе фотоаппарат бүләк иткәннән соң башланган. Студент елларында һөнәри осталык дәресләре дә алган. «Мизгелләрне саклап калырга яратам, – ди ул. – Фотосурәт кеше турында бик күпне сөйли бит. Ә яраткан шөгылең ярдәмендә башкаларны сөендерү, истәлекләр калдыра алу – үзе бәхет».

Гөлия Имамова төшергән фотосурәтләрне фотогалереядән карый аласыз. 

Сез фотога төшерү белән мавыгасыз, инстаграмыгызда менә дигән фотоларга лайклар явып кына торамы? Идел журналы битләрендә фотокүргәзмә оештырабыз! Берәр темага туплап, idel-kazan@mail.ru адресы буенча фотоларыгызны безгә юллагыз. Үзегез турында кыскача белешмә дә язып җибәрергә онытмагыз.