ФОТОКҮРГӘЗМӘ [АЛСУ ҖАМАЛИЕВА]

Алсуга - 23 яшь. Балтач районы Чутай авылыннан ул. Балтачта хисапчы булып эшли. Фотога төшерү белән мавыгуы 18 яше тулган көнне бүләккә фотоаппарат алудан башлана. Менә шуннан бирле мизгелләрне эләктереп калырга ашыга кыз. "Һәр фотоны башта йөрәгем аша уздырам, шуннан соң гына фотоаппарат эшкә килә", - ди. Күңел күзләре күргән фотосурәтләрен туплау - иң яраткан хоббие аның.

Аннан тыш, Алсу открыткалар ясый, теннис уйный һәм... шигырьләр яза. Димәк, "Идел" сәхифәләрендә әле тагын очрашырбыз!

Сез фотога төшерү белән мавыгасыз, инстаграмыгызда менә дигән фотоларга лайклар явып кына торамы? Идел журналы битләрендә фотокүргәзмә оештырабыз! Берәр темага туплап, idel-kazan@mail.ru адресы буенча фотоларыгызны безгә юллагыз. Үзегез турында кыскача белешмә дә язып җибәрергә онытмагыз.