Сөй гомерне, сөй халыкны, сөй халыкның дөньясын!
  • Рус Тат
  • Реклама
    ТАССР 100 ел
    Яңалык/Эксклюзив
    Видео
    • Синең тавышың Татарстанны тагын да яхшырак итәргә ярдәм итәчәк!

    Уйлар уйнавы... (Зөлфәт Хәким)

    Язучы, драматург Зөлфәт Хәкимнең кызыклы фикерләрен язарга булдык әле. Бик күпләре белән сез дә килешерсез...

    ***

    Хәтта аяк киеме дә кыса кешене.

    ***

        Утырадыр түрдә түрә, –
        Син күрмәгәнне күрә,
        Күрмәсә дә күрә сыман,
        Син күрмәгәнгә күрә.

    ***

    Ике мескен очрашса, һәрвакыт өченче мескенне мыскыл итеп сөйләшерләр.

    ***

        Бу дөньяда булган һәрбер нәрсә
        Черер өчен җиргә ташлана.
        ...Без дә монда әллә кемнәр түгел, –
        Киләчәк буынга ашлама.

    ***

    Җир шары кеше өчен зур бер вокзал. Сәер вокзал – беркайчан беркая китә алмыйсың. Фәкать шушы вокзалның буеннан буена гомер азагына кадәр йөри аласың.

    ***

         Кичәге «син» бүген син түгел,
        Иртәгә син – бүгенгесе түгел.
        Син үзеңне беркайчан да «тоталмыйсың».

    ***

        Тарсынма дөнья чикләрен,
        Чигендә – текә кыя;
        Бу дөньяга сыймаганнар
        Теге дөньяга сыя.

    Реклама

    ***

         Гаепне башкалардан эзләмә. Ул бары тик синең үзеңдә.
        Дөреслекне дә читтән эзләмә. Анысы инде күптән үзеңдә.
        Ә үзеңнән читтә нәрсә бар соң? Бар тик синең кебек эзләүчеләр генә.

    ***

    «Милләтне коткаручылар»дан кайвакыт милләтне коткару кирәк.

    ***

    Чакырылмаган кунак чакырылганыннан да яманрак.

    ***

    Кайберәүләр шулкадәр күп сөйләп,
    Бер сүз әйтә алмый китәләр.

    ***

    Халык санын алыр алдыннан Казанда сигез йөз шикле кеше бар дип игълан иттеләр. Аның берсе миндер инде дип уйладым мин. Чөнки мин гомерем буе үземнән  шикләнәм. Ә бәлки бу сигез йөз кеше арасында мине санарга онытканнардыр? Оныткан булсалар, сигез йөз дә бер шикле кеше  дип исәпләсеннәр. Ә дөресен әйткәндә, Җирдә җиде миллиард шикле кеше яши.

    Фото: pixabay.com

    Иң мөһим һәм кызыклы язмаларны Татмедиа Telegram-каналында укыгыз


    Нравится
    Поделиться:
    Комментарии (0)
    Осталось символов:
    Реклама
    • Үзмәшгульләргә!
    • Уңайлы шәһәр мохите формалаштыру
    • Физик затларның керемен декларацияләү
    • Санкция чикләүләре шатларында Россиянең финанс системасы эшчәнлеге
    • Налог бурычларың турында хәбәрдар бул!
    • Наркотиксыз тормыш
    • Тәртип радиосын тыңла
    • 3-НДФЛны - 30 апрельгә кадәр
    • "Китап" радиосын тыңла!
    • "Татмедиа" онлайн-кибете