Сөй гомерне, сөй халыкны, сөй халыкның дөньясын!
  • Рус Тат
  • Реклама
    Яңалык/Эксклюзив

    13 яшьлек көрәшче малай бер ай комада ята...

    Башкортстанның Бакалы авылында яшәүче 13 яшьлек көрәшче малай инде бер ай комада ята. Хәзер Ефим исемле бу малайны Республика клиник балалар хастаханәсенә күчергәннәр. Бу турыда төбәк буенча Сәламәтлек саклау министрлыгына сылтама белән «Башинформ» хәбәр итте.

    «Балалар санитар авиациясе линиясе буенча белешмә алуга ук, нейрохирург, анестезиолог-реаниматолог булган белгечләр командасы урынга барды. Алар сигез сәгать чамасы балага ярдәм күрсәтте. Рошаль исемендәге Ашыгыч балалар хирургиясе һәм травматологиясе табиблары белән берничә телемедицина киңәшмәсе булды», — дигәннәр ведомствода.

    28 февральгә табиблар баланың хәлен стабильләштергән, аны Уфага күчергәннәр. Транспортировкадан соң Ефимның хәле начарланган. Бу атнада табиблар кабат федераль үзәктәге хезмәттәшләре белән элемтәгә чыгарга җыена.

    Реклама

    13 яшьлек малай үзе сулыш ала алмавы билгеле. Аны ИВЛ аппаратында тоталар. Якынча белешмә буенча, көрәшче малайның травмасы умырткалыгының муен бүлеге белән бәйле. Табиблар әлегә бер фараз да әйтми.

    Фаҗига 30 гыйнварда ярыш вакытында булды. Ефим көндәше белән көч сынаша, аркасына егыла һәм тора алмый. Моңа кадәр бала сәламәтлегенә зарланмаган. Фаҗига сәбәпләрен прокуратура һәм Тикшерү комитеты ачыклый, диелә хәбәрдә.

    интертат

    Иң мөһим һәм кызыклы язмаларны Татмедиа Telegram-каналында укыгыз


    Нравится
    Поделиться:
    Комментарии (0)
    Осталось символов:
    Реклама
    • Журналга язылыгыз
    • Язылу декадасы башланды!
    • "Серая зарплата и ее последствия"
    • татмедиа кибете. Журналлар
    • Хатлар йорты
    • Онлайн-кибет
    • Язылу
    • "Большая перемена"
    • Китап радиосы
    • Тәртип радиосы