Сөй гомерне, сөй халыкны, сөй халыкның дөньясын!
  • Рус Тат
  • Реклама
    Яңалык/Эксклюзив

    55 мең татарстанлы азык-төлек җыелмасы алачак

    Татарстанда 55 мең мохтаҗ кеше өчен азык-төлек җыелмасының беренче өлешен 29 апрельдә тарата башлаячаклар. Бу хакта Татарстан Республикасы Премьер-министры урынбасары Ләйлә Фазлыева хәбәр итте.

    «Якын арада азык-төлек җыелмасы әзерләнәчәк. Аның беренче өлеше — 55 мең азык-төлек җыелмасын якынча 29 апрельдән 5 майга кадәр муниципаль берәмлекләргә җибәреләчәк», — диде ул.

    Бу азык-төлек җыелмасын ялгыз яшәүче 65 яшьлек һәм өлкәнрәк гражданнар, керемнәре яшәү минимумыннан түбәнрәк булган һәм социаль куркыныч хәлдә булган гаиләләр алачак.

    Моннан тыш, азык-төлек җыелмасын кризистан зыян күргән үзмәшгуль кешеләрнең һәм шәхси эшмәкәрләр гаиләләренә, аз керемле гаиләдә (ата-ананың берсе алимент түләми) тәрбияләнүче балаларга җибәреләчәк.

    «Ярдәмнең икенче партиясен 10 май тирәсендә тарата башлыйлар», — диде Ләйлә Фазлыева.

    Программаны гамәлгә ашыруда республика волонтерлар хәрәкәте, Татарстанның барлык районнары хәйриячеләрен һәм активистларын берләштергән «Ярдәм янәшә! Помощь рядом!» хәрәкәте катнаша.

    Чыганак: tatar-inform.tatar

    Реклама

    Иң мөһим һәм кызыклы язмаларны Татмедиа Telegram-каналында укыгыз


    Нравится
    Поделиться:
    Комментарии (0)
    Осталось символов:
    Реклама
    • Хәтер
    • Сезнең өчен уйныйбыз!
    • Наркотикларсыз тормыш
    • "Чтобы получить субсидию - убедись в отсутствии налоговой задолженности"
    • Занятость
    • Милли проект
    • Языл һәм телевизор, скутер от!
    • Твой ход!
    • Әйдәгез хатлар языйк!
    • "Бессмертный полк онлайн"