Сөй гомерне, сөй халыкны, сөй халыкның дөньясын!
  • Рус Тат
  • Реклама
    Яңалык/Эксклюзив

    Абитуриентлар игътибарына: КФУда быел бюджет урыннар күбрәк

        Унберенче сыйныфны тәмамлаган, журналистика өлкәсе белән кызыксынучы яшьләр игътибарына:

        КФУның Габдулла Тукай исемендәге милли мәдәният һәм мәгариф югары мәктәбе абитуриентларны кабул итә. Быел барлыгы 179 бюджет урыны бирелгән. Бу хакта бүген матбугат конференциясендә сөйләделәр.

        Югары мәктәпнең деканы Рамил Мирзаһитов әйтүенчә, әлеге урыннарның 48е татар теле укытучыларын әзерләүгә бирелгән. Бакалавриат юнәлешендә уку - 5 ел.

        "Быел безнең татар теле һәм әдәбияты укытучылары инглиз теле белән бара. Алар татар теле һәм инглиз теле укытучылары да булачаклар. Узган ел бюджет урыны 20 урын гына булса, быел 25 урын бүлеп бирелде", - диде декан.

        Татар теле һәм журналистика юнәлеше өчен  уку планын әзерләгәндә Татмедиага, "Яңа гасыр" (ТНВ), "Россия-Татарстан" дәүләт телерадиокомпаниясенә мөрәҗәгать иткәннәр. Белгечләр белән киңәшләшеп, дисциплина, практика узу мәсьәләсен хәл иткәннәр. "Бу безнең беренче тәҗрибә, башта укытып карарга кирәк", - ди Рамил Мирзаһитов, алга таба планнар зурдан булуын белдереп. Практиканы исә студентлар республика газета-журналларында, алга таба бәлки шәхси басмада да үтә алачак. "Шуңа күрә "Газет-журналлар, ТВ белән тыгызрак эшләргә, дүртенче курс тәмамланганчы практиканы шул базада узарга телибез", диде декан.

        КФУның филология һәм мәдәниятара багланышлар институты мөдире Рәдиф Җамалетдинов студентларны ике белгечлеккә кабул итәчәкләрен сөйләде.

      "Башлангыч сыйныфлар һәм чит тел, биология һәм чит тел, тарих һәм чит тел, математика һәм чит тел программасын үзләштергән студентлар ике дипломлы була алалар.  4-5ле билгеләренә укучыларга 15 мең сум стипендия дә каралган", - диде мөдир.

    Реклама

    фото: Татар-информ

    Иң мөһим һәм кызыклы язмаларны Татмедиа Telegram-каналында укыгыз


    Нравится
    Поделиться:
    Комментарии (0)
    Осталось символов:
    Реклама
    • ИДЕЛ, ДЕКАБРЬ. ЭЧТӘЛЕК
    • ЯЗЫЛЫРГА ӨЛГЕРЕГЕЗ!
    • ӘДӘБИ МАРАФОН. ФОТОРЕПОРТАЖ
    • БЕЛЕМ ҖӘҮҺӘРЛӘРЕ. ФОТОРЕПОРТАЖ
    • ПОЛИЦИОНЕР. ТИНЧУРИН ТЕАТРЫ
    • "Внесудебное банкротство гражданина"
    • Кышкы язылу өчен бүләк от!
    • ӘДӘБИ СУД. ИДЕЛ.
    • "Единый налоговый платеж"
    • ИДЕЛ. ЯШЬЛӘР ШУРАСЫ