"АЛТЫН БАРС" ПРЕМИЯЛӘРЕН ТАПШЫРУ ТАНТАНАСЫ КИЛӘСЕ ЕЛГА КҮЧЕРЕЛӘ

«Барс Медиа» компаниясе җитәкчесе Динә Гәрәева инстаграм битендә «Татар җыры» фестивале быел үткәрелмәчәген хәбәр итте.

Дуслар, коронавирус белән бәйле вәзгыятьне истә тотып, ел саен декабрь аенда уздырылучы "Алтын Барс" премияләрен тапшыру тантанасын киләсе елга күчерергә карар кылдык.

Фестивальнең гала-концерты 2021 нче елның 18 декабрендә, элегрәк игълан ителгән мәйдан - «Казань Экспо»ның Илһам Шакиров исемендәге концертлар залында узачак.

Безнең компания тарихында беренче тапкыр, киләсе елда «Татар җыры» тантанасы берьюлы ике ел – 2020 һәм 2021 еллар нәтиҗәләре буенча узачак.

Зур эш башкарылган иде инде, ләкин без тамашачылар, артистлар һәм төрле шәһәрләрдән җыелган оештыручылар командасының сәламәтлеген куркыныч астына куя алмыйбыз. Әйе, безгә барысын да баштан башларга туры киләчәк - концепсияне үзгәртергә,декорация, костюмнарны яңартырга. Ләкин ул тантана да грандиоз һәм онытылмаслык булачагына ышандыра алам! - диелә хәбәрдә.