АНА КАПИТАЛЫ: КЕМГӘ, КАЙЧАН, НИЧЕК?

Татарстанда актив режимда ана (гаилә) капиталына 40 меңнән артык сертификат бирелгән, ягъни хуҗалар аларны автомат рәвештә, гариза бирмичә алган. Шуларның 25 мең 300-е 2020 елда рәсмиләштерелгән, тагын 15 меңнән артыгы 2021 елның 6 аенда бирелгән.

Ана капиталын рәсмиләштереп, гаилә ай саен түләнә торган түләү хокукына ия. Моның өчен гариза бирергә кирәк. Ана капиталы акчаларын ничек рәсмиләштерергә һәм алырга – KZN.RU порталның белешмәлеге Татарстан Республикасы буенча Пенсия фонды бүлеге мәгълүматы нигезендә әзерләнде.

Ана капиталы акчаларыннан ай саен бирелә торган түләүләргә кем хокуклы?

Ана капиталы акчаларыннан айлык акчалата түләү алу хокукына Россия территориясендә даими яшәүче гаиләләр ия. Шул ук вакытта икенче бала һәм әни Россия гражданнары булырга, һәм гаиләдә икенче бала 2018 елның 1-нче гыйнварыннан соң туган булырга тиеш. Гаиләнең бер әгъзасына туры килгән керем күләме хезмәткә яраклы халыкның яшәү минимумыннан ике тапкыр артмавы да мөһим (Татарстанда – 20 мең 588 сум).

Айга нинди сумма түләнәчәк?

Айга алдагы елның икенче кварталында регионда билгеләнгән балалар өчен яшәү минимумына тигез сумма түләнәчәк. Татарстанда – 9 мең 713 сум.

Түләүләрне рәсмиләштерү өчен нәрсә эшләргә кирәк?

Түләүләр ала башлау өчен шәхсән яисә электрон формада гариза бирергә кирәк. Моны шәхсән пенсия фондының клиент хезмәтендә һәм МФЦда эшләргә мөмкин. Электрон рәвештә гаризалар РПФ сайтында һәм дәүләт хезмәтләре порталында кабул ителә. Түләү өчен бала туганнан соң өч ел дәвамында теләсә кайсы вакытта мөрәҗәгать итәргә мөмкин.

Гариза бирүдән алып түләү билгеләнгәнче күпме вакыт узачак? Түләү кайсы срокка билгеләнәчәк?

Башта түләү бер елга билгеләнә. Бу вакыт үткәч, әгәр гаилә алга таба да ана капиталын шулай тотарга тели икән, яңадан гариза бирергә кирәк булачак.

Әгәр айлык түләүне билгеләүгә гариза бала туганнан соң алты айдан да соңга калмыйча бирелгән булса, түләү шул ук көннән билгеләнә. Шул ук вакытта бала туганнан алып мөрәҗәгатькә кадәр айлык түләүләр суммасы әни счетына исәпләнәчәк. Әгәр гариза алты айдан соң бирелә икән, түләү мөрәҗәгать иткән көннән билгеләнәчәк.

Ана капиталы программасы озак дәвам итәчәкме? Ул акчаларның гомуми күләме нинди?

Узган ел ил Президенты Владимир Путин инициативасы буенча ана капиталы программасы 2026 ел ахырына кадәр озайтылды.

Капитал суммасы артты, ә хәзер аның хокукына беренче балалары туган яки уллыкка алынган гаиләләр ия. Моннан тыш, ана капиталы ел саен индексацияләнәчәк. Быел беренче балага ул 17 мең сумга артып, 483 мең 882 сум тәшкил иткән. Икенче балага ул 23 меңгә диярлек арткан һәм 639 мең 432 сум тәшкил иткән, әгәр гаилә беренче бала тугач сертификат алмаган булса.

Ана капиталы сертификатын ничек алырга?

Узган елның апреленнән ана капиталына сертификатлар бирү башланды. Ягъни хәзер бала тугач документлар автомат рәвештә рәсмиләштерелә – әни кешедән бернинди дә гариза таләп ителми. Ана капиталына хокук бирә торган бала туу турындагы белешмәләр Россия Пенсия фондына Гражданлык хәле актларын теркәү дәүләт реестрыннан килә. Сертификатны рәсмиләштерү турындагы мәгълүматлар РФ Пенсия фондының мәгълүмат системасында теркәлә һәм дәүләт хезмәтләре порталында әниләрнең «Шәхси кабинетына» җибәрелә.

Ана капиталына электрон сертификатның кәгазьгә караганда берничә өстенлеге бар: яшь гаиләнең рәсмиләштерү вакытын экономияли; аны югалтырга яки бозарга ярамый, димәк, аны торгызу өчен вакыт әрәм итәргә туры килмәячәк; сертификат турындагы мәгълүматларны сертификат хуҗасының «Шәхси кабинет»ында һәрвакыт алырга мөмкин.

Чыганак: kzn.ru