Аномаль салкыннар сәбәбе

Русия Гидрометүзәгенең гыйльми җитәкчесе Роман Вильфанд Русиянең Европа өлешендә көтелгән  салкыннарның сәбәбен аңлатты.

Синоптик сүзләре буенча, антициклон  (аның үзәге Скандинавия өстендә урнашкан) килү сәбәпле, һава температурасы нормадан түбәнрәк  булачак. Аның көнчыгыш перифериясе буйлап салкын һава массалары күчеп йөриячәк. Аеруча Ростов өлкәсендә һәм Краснодар краенда сизелерлек салкынайтачак, ди ул. Вильфанд фикеренчә, салкын һава торышы 4-5 көн торачак, соңыннан нормага кайта башлаячак.

Илнең азиат өлешендә киресенчә аномаль җылылар көтелә. Аның сәбәбе —  үзәге Көнбатыш Себернең төньягы өстендә урнашкан циклон. Ул җылы һава массалары таратачак. Шулай ук җылы һава массалары Кытай, Монголия һәм Урта Азиядән киләчәк.

Татарстандагы һава торышы

20 апрельдә төнлә - болытлы һава торышы көтелә. Явым-төшем ихтималы юк. Һава температурасы +1...Һава температурасы - көндез +3°C. Чагыштырмача дымлылык 80-82%. Җил төньяк-көнчыгыштан исә.