АЯКЛАРГА АШЫГЫЧ ЯРДӘМ

Аякларыгызда кан тамырлары кабарып чыкмасын өчен, балага узгач та, очкычта очканда, ерак юлга чыкканда, һичшиксез, махсус компрессион оеклар кияргә кирәк. Эштә озаграк утырырга, яки киресенчә, аяк өсте торырга туры килә икән, вакыт-вакыт аяк очына басып, гимнастика ясап алырга киңәш ителә. Гомумән,  күбрәк җәяү йөрергә тырышыгыз.

Аякларда кабарып торган тамырлар, шешенүләр, көзән җыерулар сизәсез икән, хирург-флебологка, кан тамыры хирургына барып күренергә, елга бер УЗИ ясатып торырга кирәк. Ә кич эштән кайткач, аякларны өскә күтәреп ятып торсагыз яхшы. Контраст душның да файдасы бар.

Табиб Ирек Шәрипов киңәше