Блогер Татар Малай: "Кеше чирләгәндә интернетта утырмый!"

   Блогер Татар малай (Ринат Галиәхмәтов) инстаграмда язылучыларына шундый мөрәҗәгать белән чыкты. 

    "Кичә әти-әнием коронавирусны җиңде дип язган идем. Нәрсә генә язып бетермәдегез "Әкият сөйләмә", "Кеше куркытып йөрмә", "Уйлап чыгарган чир", "Безне алдалама", һ.б.

     Ә сез беләсезме, кичә әниемә күпме кеше директка язды, менә хәзер шулай ук өйдә, бик каты чирләп, температура белән ятабыз дип?! Чирләгәндә кешегә сөйләп йөрмисең бит, өстәвенә "Миндә вирус тапканнар", - дип. Әтием-әнием, температура булуга, самоизоляция, карантинга өйдә калдылар".

   Ринат үзенең язганнарын дәлилләп, документ фотосын да куйган:

    "Ә кемнәр мине яхшы күзәтеп бара, белә, без 9 май бәйрәмнәренә Түбән Камага кайткан идек, ләкин әти-әнием белән күрешә алмадык, алар бик каты чирләп карантинда өйдә ятканнар иде. Сезгә дә аның турында язмадым, чөнки мин гомумән андый негатив постлар язмыйм".

"Кеше чирләгәндә интернетта утырмый!"

Без дә февраль аенда бик каты чирләп алдык, күп кеше сизгән иде. Ә менә терелгәч, рәхәтләнеп язам "Терерлдек", - дип! Үзегезне саклагыз! Сакланганны Аллаһ саклар!