Чүп-чарны өйдән чыгарырга кирәкме?

Көрәш буенча Татарстан чемпионатының беренче көнендә Радик Сәлахов трибуналарга карап ямьсез ишарә күрсәтә. Инстаграмдагы туры эфирдан кисеп алынган видео мессенджерлар ярдәмендә таралырга да өлгерә. Милли көрәшебезгә болай да бик салкын мөнәсәбәттә булган, көрәшебезне скандалларга бәйле яки керем булганда гына яктырткан мәгълүмат чыганагына таянып, бу хакта исемнәре мәгълүм федераль каналлар да яза башлады. Ышанмасагыз, эзләү системаларында яки социаль челтәрләдә "корэш" дип язып карагыз әле, чыга анда исемлек.

Кирәк идеме икән? Көрәшебезне пычрату гына булмадымы мондый гамәл? Үз өеңдәге чүп-чарны күршеңә чыгарып ташлау кебек булмадымы бу?

Ә бәлки эффекты киресенчә булыр. Көрәш ярышларына башка төрле мәгълүмат чараларыннан да вәкилләр, өере-өере белән тамашачылар да килә-йөри башлар? Кара пиар - шул ук пиар диләрме әле...