Әдәби судта "Меланхоликлар эше" тикшереләчәк

16 ноябрь көнне көндезге сәг 1дә Казанның Татар китабы йортында (Островский урамы, 15) “Идел” журналы һәм ТР Язучылар берлеге каршындагы Әдәби суд утырышы үтәчәк. 

Татарстан Әдәби Суды хозурына игътибарны җәлеп итә торган үзенчәлекле эш килеп иреште: якын арада бер төркем яшь иҗатчыларның... күңел төшенкелегендә язылган әсәрләре тикшереләчәк. 

Хөкемгә җәлеп ителгән авторлар арасында Гөлүсә Хөсәенова («Җанымны күбәләкләргә бирерсез» хикәясе), Гүзәлә («...Күкләргә ярәшкән болытлар...» шигыре), Миләүшә Гафурова («...Төнлә дөнья сыеп бетә тәрәзәгә...» шигыре), Рифат Сәлах («Еламагыз!..» шигыре), Рүзәл Мөхәммәтшин («Мин дә үләрмен әле...» хикәясе), Фәнил Гыйләҗев («Җеназа» шигыре) бар. 

«Меланхоликлар эше» – «Идел» журналы һәм ТР Язучылар берлеге каршындагы Татарстан Әдәби Судының 2022 елгы икенче күләмле эше булыр дип көтелә! 

PS. Дөрес, әлеге мәхкәмә – уен, пародия генә. Әмма һәр уенда хакыйкать булуын да онытмыйк!