Сөй гомерне, сөй халыкны, сөй халыкның дөньясын!
  • Рус Тат
  • Реклама
    ТАССР 100 ел
    Яңалык/Эксклюзив
    Видео
    • Руль артында алкогольгә "Юк" дип әйт

    Дүрт кеше урында ук үлә: «Әби белән бабайга кунакка бара иде»

    20 июньдә Хабаровск краенда Переяславка һәм Зоевка торак пунктлары арасында юлда коточкыч авария була. Дүрт кеше урында ук үлә, тагын бер хатын-кыз хастаханәдә вафат була. Бу турыда «Комсмольская правда» хәбәр итте.

    Subaru Impreza һәм Toyota Vitz машиналары трассада бәрелешә. Мәрхүмнәр арасында бала да бар.

    Тикшерү версиясе буенча, Subaru Impreza белән идарә итүче 27 яшьлек хатын-кыз каршы як полосага чыга һәм Toyota Vitz автомобиле белән кара-каршы бәрелешә. Бу хатынның 25 яшьлек ире дә имгәнә, ул ашыгыч ярдәм килгәнче үлә. Машина йөртүче хатын һәм аның 7 яшьлек улы имгәнә, аларны хастаханәгә илткәннәр.

    Реклама

    Toyota Vitz машинасының пассажирлары барысы да, йөртүче үзе дә һәлак була. 15 яшьлек үсмер генә исән кала. Аны край хастаханәсенә китергәннәр. Вяземский районында яшәүче 51 яшьлек йөртүче, 72 яшьлек пассажир ир-ат, 6 яшьлек кыз бала урында ук үлә. Әлегә расланмаган белешмә буенча, өлкәннәр баланы үзләренә каникулга алып кайтып бара торган булган.

    Шулай итеп бу авариянең китереп чыгаруда шикләнелүче хатын-кыз, 7 һәм 15 яшьлек ике бала исән кала. Subaru Impreza йөртүчесе авария вакытында аек була. Бу хатынның машина йөртү стажы бер ел гына. Хәзер ул авыр хәлдә, табиблар күзәтүендә ята. 

    Хокук саклаучылар җинаять эше ачкан. Урынга район прокуроры да барган. Тикшерү эшләре дәвам итә. Әгәр гаебе расланса, 27 яшьлек хатын-кызны җиде елга кадәр ирегеннән мәхрүм итүләре ихтимал, диелә бу хәбәрдә.

    Интертат

    Иң мөһим һәм кызыклы язмаларны Татмедиа Telegram-каналында укыгыз


    Нравится
    Поделиться:
    Комментарии (0)
    Осталось символов:
    Реклама
    • ИП ПАТЕНТ СИСТЕМАСЫНДА: НӘРСӘ БЕЛЕРГӘ КИРӘК?
    • Газета-журналларга язылган өчен - санаторийга ике юллама
    • Пушкин картасы
    • Милек өчен салымны түләү - 1 декабрьгә кадәр
    • Бөтенроссия халык санын алу (ИНФОГРАФИКА)
    • ВИЧ-инфекция
    • Квалификацияләнгән электрон имза алыгыз
    • ФИНАНС КУЛЬТУРАСЫ
    • Бергә сайлыйбыз!
    • "Язмыш" газетасы