Егетләр колагына: кызларга нинди бүләк ошый?

Бик тиздә 8 март - Халыкара хатын-кызлар көне җитә. Гүзәл затларыгызны ничек сөендерергә белмисезме? Бүләккә нәрсә алыйм икән, дип баш ватасызмы? Ә безнең сезгә берничә киңәш бирәсебез килә.

Хатын-кызларны 8 март белән котлаганчы, түбәндәге өч кагыйдәне истә калдырабыз:

Чәчәкләр. Төп бүләкне бирер алдыннан чәчәк бәйләме бүләк итегез. Шул ук вакытта чәчәк бәйләме белән генә чикләнмичә, чүлмәктәге лаванданы да сайларга мөмкин.

Сюрприз. Ни дисәгез дә, кызлар сюрпризлар ярата инде! Аны берничә ысул белән ясарга мөмкин, ә иң  шулардан иң әйбәте - бүкәкнең "яшерелгән" булуы.

Хатын-кыз бүләкне ачканчы ук бик уңай хисләр кичерәчәк.

Романтика. Чәчәк белән бүләкне тапшыргач, романтик кич турында да онытмаска кирәк. Әйтик, кафега бару яки пицца һәм роллы ашап фильм карау сөйгәнегезгә һичшиксез ошаячак!