Эльмира Кәлимуллина: "Мине барысыннан да мәхрүм иттеләр"

Татарстан Республикасының атказанган артисты Эльмира Кәлимуллинаны "мошенниклар" алдаган. Бу хакта ул үзенең инстаграм битендә хәбәр итте.

"Мошенниклар! Бүген иртәм шушы фотодагы кебек башланды. "Яндекс.такси өчен акча түләдегез дип 10 нан артык смс килде. Картамны карасам - акчам калмаган. Тик Сбербанк минем картаны төзәтте һәм блоклады. Искиткеч! Моннан да яхшырак булырга да мөмкин түгел. Мошенниклар персональ мәгълүматлар белән ничектер файдаланганнар һәм акчамны алганнар", - дигән Эльмира.

Җырчының бу гаделсезлектән кәефе кырылган. "Мин-артист, музыкант. Бердәнбер хезмәт хакым - ул концерт эшчәнлеге, сәхнә. Мин шәхси эшмәкәр буларак теркәлгәнгә, дәүләтемә үз салымнарымны гел түлим, барысы да мөмкин кадәр ачык, закон бозмыйча, намус белән яшим. Ә хәзер... мине барысыннан да мәхрүм иттеләр. Үз-үзеңне изоляцияләп утырткан илдә хәзерге хәлем белән мине эшсез, акчасыз калдырдылар һәм барысы да кайчан торгызылачагы билгеле түгел. Хәтта картада булган акчаларны да урладылар. Банкка шалтыратып, миңа берни белән дә ярдәм итә алмаячакларын белдем. Мине полициягә җибәрделәр, мошенниклык факты буенча гариза язарга диделәр. Рәхмәт сиңа, куәтле илем!"

Әлеге язмага Эльмирага киңәш бирүчеләр дә күп. Алар барысы да аңа яңадан гариза язарга кушалар, җырчының хәленә керәләр. 

Фото: Эльмира Кәлимуллинаның инстаграм бите