ЭЛВИН ГРЕЙ ТӨП СЕРНЕ ЧИШТЕ!

Игътибар иткәнегез булдымы, Радик Юльякшин (Элвин Грей) иҗатын 3 яшьтән алып 80 яшькә кадәр булган тамашачылар ярата. Башта җырчыны яшүсмерләр, аннары өлкән буын тыңлады, бары тик соңрак кына яшьтәшләрне җәлеп итте Радик. Аудиторияне шулай тиз җәлеп итүе турында ул Андрей Кузьминга «100% Татарстан»  проекты өчен сөйләде.

«Аудитория бик киң, алар арасында 3 яшьтән алып балалар да, әби-бабайлар да бар. Статистика буенча, аудиториям — 20 дән 45 яшькә кадәрге кешеләр. Мин иҗат итә башлаганда тыңлаучылар бары кызлар гына иде. Ул чакта интернет юк иде бит, ди Юльякшин.

Радик Юльякшин «Ашкына гомер» җырын иҗат иткәч, өлкән буын да аның концертларына йөри башлый. 

Элвин Грей акрынлап урта яшьтәге яшьләр өчен дә контент булдыра башлады.

«Хәзер безнең концертларда 3 яшьтән алып 80 яшькә кадәр кешеләр бар.

Яулыклы әбиләр дә, балалар да, урта буын да килә», — дип нәтиҗә ясады артист.