Сөй гомерне, сөй халыкны, сөй халыкның дөньясын!
  • Рус Тат
  • Реклама
    Яңалык/Эксклюзив

    ФЕРДИНАНД СӘЛАХОВКА МЕДАЛЬ ТАПШЫРДЫЛАР

    Татарстанның халык артисты Фердинанд Сәлахов  республикабызның «Фидакарь хезмәте өчен» медаленә лаек булды.

    Кичә Г.Тукай исемендәге Татар дәүләт филармониясендә җырчының 65 яшьлегенә багышланган җыр кичәсе узды. Юбилярга олуг бүләкне нәкъ биредә тапшырдылар. Ф.Сәлахов гомерен татар җыр сәнгатенә багышлаган фидакарь егет. Үзенең зыялылыгы, белеме һәм таланты белән аерылып тора. Тормышның бик күп сынауларына бирешмичә, аягында нык торучы шәхес. Замандашлары аны фикерле җырчы буларак та югары бәяли. 

    “Җырчы ул – халыкның телен, мәдәниятен саклаучы. Мин үземне башкача хис итә алмыйм. Минем төп тыңлаучым, мине күтәрүче, зурлаучы да, мине үзенең моң чишмәсе итеп кабул итә алучы да – халкым. Димәк, минем бөтен яшәешем, иҗатым халкыма бәйле”, - дип яза ул үзенең “Әйтәсе сүзләрем бар иде...” дигән китабында.

    Реклама

    Ул үзе җаным – җырда, дияргә ярата. “Җырларыбызны халкыбыз гасырлар буе чарлаган, үстергән – бөек моң итә алган. Карагыз безнең “Зөлхиҗә”не, “Кара урман”ны, “Уел”ны, “Эскадрон”ны! Сагыш һәм дәрт, көч һәм дәрман ич аларда!.. Җыры булган халык үлемсез ул. Җыр чишмәләребез саекмасын”, - ди Ф.Сәлахов.

    Татарның моң сагында торучы Фердинанд Сәлахов яшь башкаручыларны үстерүдә, аларны зур сәхнәгә чыгаруда да күп көч куя. Һәрвакыт шат күңелле, башкаларга ярдәмчел киң күңелле җырчыга алдагы елларда да дәвамлы гомер, бәрәкәтле иҗат телибез.

    Иң мөһим һәм кызыклы язмаларны Татмедиа Telegram-каналында укыгыз


    Нравится
    Поделиться:
    Комментарии (0)
    Осталось символов:
    Реклама
    • ИДЕЛ. ГЫЙНВАР САНЫН УКЫЙБЫЗ.
    • "Отмена ЕНВД. Что делать?"
    • ИДЕЛ, ДЕКАБРЬ. ЭЧТӘЛЕК
    • ЯЗЫЛЫРГА ӨЛГЕРЕГЕЗ!
    • ӘДӘБИ МАРАФОН. ФОТОРЕПОРТАЖ
    • БЕЛЕМ ҖӘҮҺӘРЛӘРЕ. ФОТОРЕПОРТАЖ
    • ПОЛИЦИОНЕР. ТИНЧУРИН ТЕАТРЫ
    • Кышкы язылу өчен бүләк от!
    • ӘДӘБИ СУД. ИДЕЛ.
    • ИДЕЛ. ЯШЬЛӘР ШУРАСЫ