ФИЛАРМОНИЯ КОНЦЕРТ СЕЗОНЫН АЧА!

  Тиздән Габдулла Тукай исемендәге Татар дәүләт филармониясе концерт сезонын ача!

  Аңарчы филармония  узган концерт сезонында күрсәтә алмый калган программаларны тәкъдим итәчәк. Аннан инде – яңа сезон программалары башланачак.

  Тамашачыларның сәламәтлеген кайгырту максатларында,  Татар филармониясе барлык таләпләрне дә үтәячәк – зал 50% исәбеннән тутырыла, тамашачылар тиешле араны саклап утыртыла, керү урыннарында антисептиклар куела, зал һәм тамашачы куллана торган башка урыннар  махсус эшкәртелә.

   Кайбер концертларга билетлар алдан ук сатылып беткән  булуы сәбәпле – алар 2 көн уздырылачак. Тамаша залында 600 урын булган Татар филармониясе бер концертка 300 тамашачы кабул итәргә генә хокуклы. Бу кешеләргә куркыныч тудырмый торган араны тоту мөмкинлеге бирәчәк.

Беренче концерт – 27 августта (18.00)

  Бу кичтә Татар дәүләт филармониясендә Россиянең халык артисты, Г.Тукай премиясе лауреаты Анатолий  Шутиков җитәкчелегендәге Татарстан Республикасы халык уен кораллары оркестрына кушылып Сергей Плюснин (баритон/ Пермь шәһәре) һәм Ирина Крутова (сопрано /Мәскәү шәһәре) җырлаячак.

  Программада: XX гасыр композиторлары әсәрләре бар.

фото һәм чыганак:  Габдулла Тукай исемендәге Татар дәүләт филармониясе матбугат хезмәте