Г.Тукай исемендәге филармония концертларын өйдән чыкмый гына карагыз!

Г.Тукай исемендәге Татар дәүләт филармониясе 2020 елның 18 мартыннан өйдән торып эшләү режимына күчте. Әлеге көннән башлап филармония 10 трансляция үткәрде, дип хәбәр итә Татар дәүләт филармониясенең матбугат үзәге җитәкчесе Земфира Гыйльметдинова. 
“Трансляцияләр филармония сайты аша һәм “Орфей” радиосы, “Ваш досуг” порталы, турыдан-туры YouTube-канал сайтларында урнаштырылган, шулай ук интернет челтәрләренә тоташтырылган. Концертларның берсе - җанлы чыгыш онлайн трансляцияләү һәм тугызы язмада тәкъдим ителде”, - ди Земфира Гыйльметдинова. 
Кешеләрнең үзизоляция чорына Г.Тукай исемендәге Татар дәүләт филармониясендә трансляцияләр планлаштырылган. Онлайн концертларны караулар саны соңгы араларда 94 тән 2779 гә кадәр арткан. 
Мәгълүм ки, филармониянең төп миссиясе – музыка сәнгатенә хезмәт итү. Нинди генә вәзгыятьтә дә татар филармониясе үз бурычларын башкара. Бу миссия илебез һәм чит илләр классик музыкасын популярлаштыруга, Татарстан Республикасында һәм Россия Федерациясендә яшәүче милләтләрнең мәдәни гореф-гадәтләрен саклау һәм үстерүгә нигезләнә.
Халкыбызның рухи байлыгы – музыка сәнгате һәм әдәби мирасы һәркемгә якын булсын, һәркем күрә алсын, тыңлый алсын өчен бар көчебезне куябыз, ди сәнгать әһелләре.
10 апрельдә Россиянең атказанган, Татарстанның халык артисты, Г.Тукай исемендәге дәүләт премиясе лауреаты Айдар Фәйзрахмановның юбилей концерты күрсәтеләчәк. Ә 11 апрельдә Татарстан Республикасы Фольклор музыкасы ансамбленең “Гәрәбә” программасын тамаша кылырга мөмкин булачак. Өйләрегездән чыкмый гына югары сәнгать белән хозурланыгыз. Тулырак мәгълүматны биредән алырга мөмкин: https://tatfil.ru/news/14421/