ҖИҢҮ БӘЙРӘМЕ НИЧЕК ИСТӘ КАЛЫР?

   Елдагыча көтеп ала торган зур чара - Җиңү бәйрәме быел онлайн форматта узуы белән аерылып тора. Ул безнең хәтергә ничек кереп калыр?

   Иртәгә, 9 майда Мәңгелек утка чәчәкләр салу, монумент ачылышы тантаналары да онлайн форматта тәкъдим ителәчәк. Шулай ук Җиңү бәйрәме уңаеннан татарстанлыларны самолет һәм вертолетлар сәламләячәк. Бу хакта Казан шәһәре Башкарма комитетының мәдәният идарәсе башлыгы Азат Абзалов сөйләде.

   Аның сүзләренчә, бәйрәм көнне Казанда һавада очучылар төркеме күренәчәк.

- Өч легендар МИ-8 вертолеты Казансу акваторие, үзәк урамнар, Җиңү паркы өстеннән Россия Федерациясе, Татарстан Республикасы флагларын, Җиңү байрагы копиясен алып очачак, - ди Азат Абзалов.  Әгәр һава торышы яхшы булса, сәгать кичке алтыда вертолетлар өч флаг белән очачак. 

Димәк, иртәгә 12.00 сәгатьтә тантананы "Татар-информ" агентлыгында һәм ТНВ телеканалында онлайн режимда карарга мөмкин булачак.

Сылтама: https://youtu.be/oDnjgtyjNgQ

чыганак: tatar-inform.tatar