Җиңү парады кайчанга күчерелер?

Русия Президенты Владимир Путин Җиңүнең 75 еллыгы хөрмәтенә парадны күчерү турында игълан итте. Бәйрәмгә әзерлек шулай ук соңрак башланачак.

- Коронавируска бәйле рәвештә куркынычлар 9 Май бәйрәмен уздырыру хокукын бирми, - дип хәбәр итте президент.

Владимир Путин ассызыклаганча, парад һәм 9 майда узарга тиешле башка чараларны да быел уздырачаклар. Әлегә төгәл дата билгеле түгел.

Төбәкләрдә шулай ук Җиңү көнен бәйрәм итү графигы үзгәрәчәк. Республикада 9 майга бәйле чаралар онлайн трансляциядә оештырылачак.