ИДЕЛ КӨНДӘЛЕГЕ: ТӨШКЕ АШКА - ҖИЛӘККӘ

Эх, җиләкле җәйләре-е... Җиләк чорының соңгы вагонына сикердек тә редакциябез белән Югары Ослан районына юл тоттык бүген. Һәрьяклап бәхет елмайды: һава торышы да, аланы да килеште үзебезгә – тәгәри-тәгәри җыйдык. Мәтрүшкәләр яныннан да болай гына узып китә алмадык, кибәрләр дә, үләннәр җыелмасына урнашып, ел дәвамында чәйләребезгә шифа өстәп торырлар... Чиләкләр тулды, күңел булды – кайтыйк. Әнә, ял итәргә кунган чуар күбәләк тә мыекчаларын селкетеп калды, "Тагын килегез!" – диюедер. Җиләге тәмле, хатирәләре – тагын да.