ИЛЬСУР МЕТШИН: «ВИРУС БӨТЕНЛӘЙ КИМЕМӘДЕ»

   Бүген атналык штаб утырышында Казан Мэры Илсур Метшин Транспорт комитетына, шәһәр районнары башлыкларына, муниципаль транспорт предприятиеләренә һәм шәхси ташучыларга пандемия чорында санитар-эпидемиологик кагыйдәләрне үтәүнең әһәмиятлеге турында искәртте.

29-нче июньгә булган мәгълүматларга караганда, Татарстанда 4514 коронавирус очрагы теркәлгән. Узган тәүлектә 3362 кеше сәламәтләнгән, 1137 кеше дәвалана.

- Көн тәртибе көн саен үзгәрә, кайбер чаралар башкалары белән алмашына, әмма пандемия белән көрәш әлегә төп мәсьәлә булып кала. Эпидемиологик вәзгыять безгә тынычланырга мөмкинлек бирми генә түгел, ә профилактик эшне яңа дәрәҗәгә чыгарырга да мәҗбүр итә. Без әле яңа гына беренче дулкыннаң пик чорыннан чыгып киләбез. Җәй җитүе аңлашыла, барысының да кәефе яхшы, тик вирус бөтенләй кимемәде. Ул бирешми, һәм без дә бирешмибез, эшне дәвам итәбез, - диде шәһәр Мэры.

   Исегезгә төшерәбез, бүгенге көннән башлап Татарстанда коронавирус пандемиясе аркасында моңа кадәр кертелгән чикләүләр кими. Балаларның уен мәйданчыкларында, спорт мәйданчыкларында, шул исәптән күпфатирлы йортларның ишегалларында урнашкан урыннарда гражданнарның күпләп йөрүен тыю бетерелде.

1 июльдән балаларны ел әйләнәсендә эшләүче шифаханә-савыктыру лагерьларына кабул итү һәм урнаштыру рөхсәт ителә. 

kzn.ru