ИЛСУР КАЗАКЪБАЕВ: "Театр – яхшы пешкән катламлы пирог сыман"

2 декабрь көнне «Һөнәр» XIII Бөтенроссия яшь режиссура фестиваленең кысаларында Татар китабы йортында режиссёр Илсур Казакбаев белән иҗади очрашу узды. Чара барышында ул үзенең иҗаты, гаиләсе һәм ничек итеп төрле театр актёрлары белән эшләве хакында сөйләп китте.

Иң кызыгы, Илсур Казакбаев сәхнә актёрыннан пьеса яздыртып карыйсы килү теләген җиткерде. Ни өчен дигәндә, актёр сәхнә кануннарын башкаларга караганда яхшырак белә һәм аның күзаллаулары башкачарак. Аның әйтүенчә: “Театр – яхшы пешкән катламлы пирог сыман булырга тиеш”.

Шулай ук, бу көнне театр тәнкыйтьчесе Екатерина Рябова белән дә очрашу булды. Ул килгән кунакларны театр тарихы, аның үзенчәлекләре, кызыклы белән таныштырды.

Алинә Маликова