КАМИЛ ХӘЗРӘТ ТАТАР КЫЛЫЧЫН КУЛЛАНЫРГА ӨЙРӘТӘ

Татарстан мөфтие Камил хәзрәт Сәмигуллин онлайн-Сабантуй уңаеннан кылыч белән идарә итү сәнгатен күрсәтте. Видеоязманы ул Instagram социаль челтәрендә үз битендә урнаштырган.

- Автономия сайтында җиде сәхифә кысаларында көрәш, милли уеннар, концертлар, милли сату-алу һ.б. белән танышырга мөмкин. Секцияләрнең берсендә мин дә катнаштым. Татар кылычы традицияләре белән таныштырдым. Мондый роликларны киләчәктә дәвам итәргә уйлыйм. Алга таба татар пәһлеваннарының уктан ату үзенчәлекләре хакында сөйләрмен, - ди Камил хәзрәт.