Логотип Идель
Эксклюзив

Кариев театры премьерага чакыра

Спектакльнең премьерасы 26-27 май көннәренә куелган

“Тимур һәм комета” спектакленең яшь чикләве 8+, ул - кечкенә һәм урта яшьтәге балалар өчен. Спектакль Полина Коротычның “Вадик поет свою музыку” пьесасына нигезләнеп куела.

Бу тарих үз җырын җырларга теләгән һәм моның өчен тулы бер шәһәр төзегән малай, ялгызы гына булырга теләмәгән кыз, аларның дуслары Мәче һәм Песнәк турында. Әниеңне һәм өеңне югалткач, йөрәгеңне тыңлап, аларны кире кайтару мөмкинме? Без барлык җавапларны серле комета очып килгәч кенә белә алачакбыз.


«Питерда яшәп иҗат итүче авторның әсәрен үз җирлегебезгә якын китерәсе килде. Исемне дә бик озак сайладык. Соңыннан Тимурның үз исеменә тукталдык, ул каршы килмәде. Хәзерге вакытта аны әзерләү эшләре бара», - диде театр директоры, пьесаның тәрҗемәчесе Луиза Янсуар.

Спектакльне сәхнәләштерү өчен читтән режиссер Тимер Шәрәфетдиновны чакырганнар. 

“Спектакльдә мәхәббәт кометасы оча. Әсәрдә бүгенге көндә сирәк күренеш булган мәхәббәт һәм дуслык кыйммәтләре, кешенең кешегә кирәк булуы, аның якыннары белән аралашуы турында сүз бара. Шуңа да мин тамашачы белән әлеге әсәр аша аралашырга булдым”, - диде Тимур Шәрәфетдинов.

Спектакльнең премьерасы 26-27 май көннәренә куелган.

 

Текст после содержания указынный в настройках

«Идел» журналы 16+

Следите за самым важным и интересным в Telegram-каналеТатмедиа

Нет комментариев