-
"Кыямовлар кыздыра": Татарда парлы сүзләр Узган елда старт алган "Кыямовлар кыздыра" проекты был да дәвам итә.
-
ТР Милли китапханәсендә кытай, инглиз, корея телләре буенча мастер-класслар узачак ТР Милли китапханәсендә февраль аенда телләр буенча мастер-класслар сериясе узачак. Аларга бушлай кереп була.
-
“Таян Аллаһка” әдәби бәйгесе ачык дип игълан ителә! “Идел” журналы Татарстан мөфтияте һәм Россия ислам институты белән берлектә янәдән “Таян Аллаһка” бөтенроссия әдәби бәйгесен үткәрә.
-
Татарстандагы иң кирәкле һөнәр ияләрен атаганнар Татарстанда иң кирәкле һөнәр ияләре – машина йөртүчеләр, электр-газ белән эретеп ябыштыручы, кондуктор, механик-җыю эшләре слесарьлары.
-
«Котадгу белек» беренче тапкыр татарча басылып чыкты Бөтен төрки дөньяда инде күптән китап булып чыккан Йосыф Баласагуниның “Котадгу белек” әсәре татарча да басылды хәзер! “Безнең мирас” журналы Бөтендөнья татар конгрессы ярдәме белән бу зур эшне башкарып чыкты.
-
Рус телендә онлайн-мәдрәсә эшли башлады Онлайн-мәдрәсәләр бигрәктә яшь буын арасында зур популярлык казана.
-
Илһам оялаган җир: "Сандугач" китапханәсендә Гөлшат Зәйнашеваны искә алдылар Ачык микрофон форматында оештырылган чара шагыйрә Гөлшат Зәйнашеваның якты истәлегенә багышланган иде.
-
Тинчурин театры Дастаннар елын “Идегәй” спектакле белән башлый Татар халкының 500 еллык тарихы булган дастанны театрның баш режиссеры Туфан Имаметдинов сәхнәләштерә. Режиссер “Идегәй”не сәхнәгә куярга алынуын әсәрнең милли, әдәби, тарихи актуальлеге белән аңлата.
-
Стресслы хәлләргә ни рәвешле ресурслар тупларга
Кариев театрында - премьера
5 нче декабрь көнне Г.Кариев исемендәге Казан татар дәүләт яшь тамашачы театры «Рөстәм маҗаралары» спектакле премьерасын тәкъдим итәчәк.
«Рөстәм маҗаралары» — үткәндә булган хәлләр өчен башкаларны да, үзебезне дә кичерә алу, хушлаша белү турындагы тарих. Кайчак тормышны яңадан үз җаена кайтара алырдай кешеләр күләгәдә кала. Һәм без аларның чынлыкта нинди көчкә ия икәне турында уйламыйбыз да... Гади генә бер әкият үз эченә күпме наз, мәхәббәт һәм әрнү сыйдырган.
«Рөстәм маҗаралары»н Татар әдәбияты классигы Гадел Кутуй Бөек Ватан сугышы елларында язган. Тик ул аны тәмамлап бетерә алмый. Аннан улы — танылган шагыйрь, тәрҗемәче Рөстәм Кутуй 1960 нчы елларда русчага тәрҗемә иткән. Иң кызыгы ул әсәргә үзеннән дә бераз үзгәрешләр өстәгән. Кариев театры тамашачысы өчен әсәргә яшь драматург Айдар Әхмәдиев инсценировка ясаган, ә режиссер Тимур Кулов аңа беренче мәртәбә сәхнәдә җан өрәчәк.
«Мин башта бу әсәрнең рус телендәге версиясе белән таныштым. Аннан татар телендә. Әсәрдә бик күп яшерен мәгънәләр бар, аларда рәхәтләнеп казынырга, эзләнергә була. Шулай да минем өчен «Рөстәм маҗаралары» беренче чиратта берни дә таләп итми торган ярату турында. Әйе, шулай ук бу әсәр хушлаша, кичерә, җибәрә, кабул итә белү турында да. Тик, кабатлап әйтәм, минем өчен этәргеч – әлеге хикәяттәге ярату темасы булды”, – ди спектакльнең режиссеры Тимур Кулов.
“Балачакта әлеге әсәрне яратып укый идем. Хәреф таныганчы әнием-әбием укыды. Һәм, ниһаять, безне язмыш Тимур Кулов белән очраштырды. Аның бу әсәрне сәхнәләштерергә алынуына без бик шат”, – ди Г. Кариев исемендәге Казан Татар дәүләт яшь тамашачы театры директоры Луиза Шарова.
Иң мөһим һәм кызыклы язмаларны Татмедиа Telegram-каналында укыгыз