Казан кинофестивале Татарстан кинематографистларына ярдәм итәчәк

    Бу хакта мөселман киносы фестивален оештыручылар хәбәр итә. XVI Казан кинофестиваленең конкурс номинацияләре арасында 2017 елда кертелгән «Милли программа» сакланачак.

    Бу номинациядә 2019-2020 елларда Татарстанда яки төбәк катнашында иҗат ителгән фильмнар, шулай ук республика турында фильмнар катнаша; шул ук вакытта жанр һәм дәвамлылык буенча чикләүләр юк. Милли программага сайлап алынган хезмәтләр акчалата бүләкләр өчен көрәшәчәк-иң яхшы милли фильмны тәкъдим итүчеләр - 200 000 сум, иң яхшы кыска метражлы милли фильм, документаль фильм һәм балалар өчен фильм авторларына -100 000 сум күләмендә акчалата бүләк тапшырылачак.

Хәзерге вакытта Милли номинациягә 16 гариза теркәлгән, алар арасында тулы метр да, документаль кино да, анимация дә, берничә кыска метражлы фильм да бар. Алар  Россиянең берничә төбәге, шул исәптән Татарстан да килгән. Номинациянең гаризалары  арасында Яңа Гасыр телеканалында күрсәтелгән ике телевизион фильм: фестиваль прокатына кертү мондый төр проектларга икенче сулыш өрер иде, ди фестивальне оештыручылар.

"Милли программада җиңүчеләр, башка номинацияләр лауреатларыннан аермалы буларак, акчалата призлар белән бүләкләнәчәк - бу Татарстан кинематографистларына ярдәм итү максатыннан эшләнә, - ди "Татаркино" дәүләт бюджет мәдәният учреждениесе директоры Миләүшә Айтуганова. - Моның өчен Татарстан Президенты Рөстәм Миңнехановка рәхмәт әйтәсем килә, ул ел саен фестивальгә ярдәм күрсәтә. Республика башлыгы шулай ук Президентның 500 000 сум күләмендә акча белән тәэмин ителгән махсус призын да тапшыра, дөрес, ул милли конкурс фильмнарына эләкми. 300 000 сумлык акчалата бүләк белән тагын бер бүләк партнерыбыз — «Россия — Ислам дөньясы»стратегик караш төркеме тарафыннан гамәлгә куелган”.

Исегезгә төшереп узабыз, Казанда 4-9 сентябрь көннәрендә XVI халыкара мөселман киносы узачак. Фестиваль призлары өчен 52 фильм көрәшәчәк: бу 12 тулы метражлы уен, 10 тулы метражлы документаль, 20 кыска метражлы уен фильмы һәм милли программаның 10 фильмы.
 Милли конкурс фильмнары жюри әгъзалары тарафыннан аерым бәяләнәчәк. Конкурс программасының калган фильмнары жюри карары белән 8 төп номинациядә бүләкләнә:

Гран-при («Иң яхшы фильм»), Иң яхшы режиссура, оператор эше, сценарий, хатын-кыз һәм ир-ат роле, Иң яхшы кыска метражлы һәм иң яхшы документаль фильм өчен призлар. Барлык лауреатлар да фестиваль статуэткалары һәм дипломнары белән бүләкләнәчәк.