КИЛӘСЕ АТНАДА ҺАВА ТОРЫШЫ НИНДИ БУЛАЧАК?

Киләсе атна башында Казанда уртача температура нормадан 4 градуска түбәнрәк булачак.

Хәзерге вакытта Татарстан башкаласында уртача температура норма буенча -12 градус тәшкил итәргә тиеш. Дүшәмбедән суыклар башлану сәбәпле, шундый салкын көннәр көтелә.

Дүшәмбедән суыта башлаячак, алдагы ялларда исә Татарстанда һава температурасы нормадан югарырак булачак. Әйтик, 13 февральдә көндез кар һәм җепшек кар рәвешендәге явым-төшемнәр көтелә, кайбер районнарда карлы яңгыр явачак. Юлларда бозлавык барлыкка килүе һәм буран чыгуы ихтимал. Җил көньяк-көнчыгыштан һәм көньяктан исәчәк, талгын. Төнлә һава температурасы - 4, - 9, көндез максималь температура 0, +3 градус тәшкил итәчәк.

14 февральдә аязучан болытлы һава торышы көтелә. Төнлә кар явачак, кайбер районнарда юлларда бозлавык барлыкка килүе һәм буран чыгуы ихтимал. Көндез урыны белән бераз кар явачак. Җил көньяк-көнбатыштан, талгын. Төнлә минималь һава температурасы -7, -12, аязганда -16 градуска кадәр, көндез максималь температура -5, -10 градус тәшкил итәчәк. Юлларда көчле бозлавык көтелә.

КФУның метеорология, климатология һәм атмосфера экологиясе кафедрасы мөдире, профессор, география фәннәре докторы Юрий Переведенцев «Татар-информ»га хәбәр иткән.