Кытай терелеп килә

Кытайда коронавирус белән авыручыларның саны һәр көн саен кими бара. Бүгенге көндә хастаханәләрдә 4735 кеше калган. Барлык чир йоктыручыларның 90%ы терелгән, дип белдерә КНР.

Кытайда коронавирусны 81 171 кеше йоктырган булган, шуларның 73 159ы терелеп чыккан. Бу якынча барлык авыручыларның 90.13%ы.
Бөтендөнья Сәламәтлек саклау оешмасы 11 мартта COVID-19 инфекциясен пандемия дип игълан иткән иде. Аларның мәгълүматларына караганда дөньяда якынча 300 мең кеше бу авыруны йоктырган, шуларның 14,5 меңе һәлак була. 12 мартта Кытай ил эпидемиянең иң югары ноктасын үтте, дип хәбәр итә.
Безгә исә хәзер сакланып йөрисе һәм гомуми гигиена таләпләрен үтисе генә кала. Сакланганны Ходай саклар…

Фото: pixabay.com