Легендар спектакльләр бушка!

Г.Камал исемендәге татар дәүләт академия театры үзенең сәхнәләрен шаулатып барган спектакльләрне онлайн карау форматына күчерде. "Зәңгәр шәл" спектаклен онлайн һәм бушлай карап булуын без язып чыккан идек инде. Хәзер исә әлеге исемлеккә "Галиябану", "Мулла", "Ахырзаман", "Үлеп яратты" һәм башка спектакльләр дә өстәлде. Аларның барысын да Г.Камал театрының YouTube каналында карап була.

Шулай ук театр онлайн-билетлар белән эшлиячәген дә игълан итте: "6 апрельдә Камал театры сайтында спектакльләрне онлайн форматта һәм видеоязма рәвешендә күрсәтү сезоны башлана. Онлайн-трансляция репертуары 1 апрельдә игълан ителә. Онлай-спектакльләргә билетлар да 1 апрельдән сатуга чыга. Моңа кадәр ойнлан-билет алган тамашачыларга якын арада спектакльләрнең онлайн-трансляциясе тәкъдим ителәчәк. Шулай ук, онлайн-билет алучыларны, карантин беткәннән соң, шул ук билет белән, шундый ук бәядәге урында спектакльләргә чакырабыз", - дип язып чыкты ул рәсми сайтында.