МЕТРОда: БӘЙРӘМ УҢАЕННАН ШИГЫРЬЛӘР ҺӘМ КАМЕРА

    Русия көнендә Казан метрополитенының 11 станциясендә шигырьләр  яңгыраячак, дип хәбәр ителә шәһәрнең Транспорт комитеты сайтында.

     Казан метрополитенының барлык станцияләрендә иртәнге 6дан төнге 12гә кадәр Татарстан Республикасы Мәдәният һәм сәнгать эшлеклеләре башкаруындагы Русия турында шигырь һәм җырларның аудиоязмаларын ишетеп булачак. 

    Бәйрәм котлауларын шулай ук трамвай һәм троллейбусларда да ишеттерәчәкләр.

Метрода - камера!

  Казан метросында социаль дистанцияне һәм пассажирларда маскалар барлыгын тикшерүче видеокүзәтү камералары урнаштырдылар. Бу хакта инстаграмда Tatnews.tatar. хәбәр итте.
⠀
    Pandemic Vision технологиясен әлегә тест режимда "Җиңү проспекты" станциясендә генә эшләтеп җибәрделәр. Проект авторы булып Татарстанның цифрлы трансформация Үзәге санала, диелә хәбәрдә. 

   Хәзерге вакытта камералар пассажирларның 98%ы маскаларда булуын, ә 88%ы социаль дистанция таләбен саклавын ачыклаган. Пассажирларның бары тик 1 проценты социаль араны сакламыйча, маскалар кимәгән.

   Болардан кала, яңа система кибет һәм рестораннарга килүчеләрне күзәтергә дә мөмкинлек бирә - шул рәвешле иң куркынычсыз урынны сайлап була.