Мичтә пешкән карабодай

Хәзер һәркемдә карабодай маясы бар, хуҗабикәләрнең төп проблемасы: аны ничек кулланып бетерергә. Карабодайны мичтә дә пешереп була. Рецепты белән бүлешәбез.

Моның өчен бик аз әйбер кирәк, алар һәрбер гаиләдә бар, дип уйлыйбыз:
Карабодай – 150 гр
Каты сыр – 160 гр
Ак май – 1 бал кашыгы
Суган – 1 баш
Әнис – тәменчә
Йомырка – 2 данә
Сөт – 100 мл
Тоз – тәменчә
Борыч – тәменчә
Су – 350 мл
Барлык кушыласы әйберләрне алдан әзерләп куегыз. Карабодай ярмасын юып, бераз тоз кушып, кайнатырга куегыз. Әзер булгач, аның яртысын ак май сыланган табага җәясе. Аның өстенә угычтан чыгартылган сырның яртысын салыгыз. Сыр өстенә - суган белән әнис турап салына. Карабодайның икенче яртысын шулар өстенә салырга. Йомырканы сөт белән туглап, карабодай өстенә җәегез һәм тоз-борычлап, мичкә җибәрегез. 200 градуска кадәр җылытылган мичтә өсте кызарып чыкканчы 20-25 минут тотыгыз. Ашларыгыз тәмле булсын!