Мәхәббәт - артык мәшәкать..

Юк, юк, мәхәббәт турында Сүз кузгатмагыз бүтән...

Мәхәббәт - артык мәшәкать,
Мин куркам мәшәкатьтән.
Кем соң файда күргән әле
Сөюдән, мәхәббәттән?!

Ләйлә - Мәҗнүн, Таһир - Зөһрә,
Алар янган, ни калган?
Берни дә калмаган икән,
Димәк, барсы да ялган.

Юк, юк, мәхәббәт турында
Сүз кузгатмагыз бүтән.
Әйтерләр: бу бичара да
Безнең күк юләр икән.

ФӘНИС ЯРУЛЛИН

«Идел» журналы 16+