ПАРКТА ӘКИЯТ ТЫҢЛЫЙБЫЗ. ТАТАР ТЕЛЕНДӘ.

Казанның берничә паркында хәзер Яңа ел турында инглиз, рус һәм татар телләрендә аудиоязмаларны тыңларга мөмкин, дип хәбәр итә Казанның Парклар һәм скверлар дирекциясе.

Горький, Черек күл, Урицкий, Горки-Әмәт урман-паркында QR-кодлы мәгълүмат стендлары урнаштырылды. Әлеге код турыдан-туры сайтка "алып керә".

Аудиозямаларда ТР Дәүләт симфоник оркестрының сәнгать җитәкчесе һәм баш дирижеры Александр Сладковский; «Ак Барс» ХК үзәк һөҗүмчесе Виктор Тихонов; «Юлбасма» нәшрияты директоры Гүзәл Хәсәнова; шагыйрь, язучы, «Безнең мирас» журналы баш мөхәррире Ләбиб Лерон; Казанның Парклар һәм скверлар дирекциясе директоры Марат Закиров; Дөнья кубогы призеры Ирек Ризаев; опера җырчысы, ТР атказанган артисты Илүзә Хуҗина; педиатр, табиб-пульмонолог Диләрә Шәяхмәтова; кино белгече, тәнкыйтьче, Казан театр училищесында «кино тарихы» дисциплинасы укытучысы Әдилә Хәйбуллина; «Татмедиа» Республика матбугат һәм массакүләм коммуникацияләр агентлыгы җитәкчесе урынбасары Эдуард Хәйруллин тавышын ишетергә мөмкин.

тулырак