Соңгы кыңгырау - "Вконтакте"да?!

   Быел чыгарылыш сыйныф укучыларына икеләтә ямансудыр инде. Беренчедән, мәктәпне тәмамлап, олы юлга аяк басалар, ә икенчедән, Соңгы кыңгырау бәйрәмнәрен күңелле иттереп, күрешеп уздыра алмыйлар. Әйе, быел Соңгы кыңгырау да онлайн-форматта узырыла.

   "Вконтакте" челтәре чыгарылыш сыйныф укучыларына моңсуланырга ашыкмаска куша - Соңгы кыңгырау бәйрәмен бизи торган эмодзилар тәкъдим итә. Алар арасында - кызыл тасма, кыңгырау һәм аның сайлаячак һөнәрен күрсәткән битлекләр дә бар.

    Кыскасы, бар да гади - укучыга бары тик елмаеп фотога төшәргә генә кирәк. Аннан кала укучы биш кыңгырау рәсемен укытучысына рәхмәт йөзеннән, сыйныфташларына бушлай бүләк итә ала.

фото, чыганак: kazanfirst.ru, life.ru