ТР яшьләр эшләре министрлыгы ата-аналар өчен телеграм-канал ачты

Әлеге каналга биш мең кулланучы язылырга да өлгергән инде.

«Родителям о важном» каналы ата-аналарга яшүсмерләрнең тормышы турында хәбәр итеп бару өчен төзелгән. Шулай ук «Ориентир» ТР психологик  хезмәтләрне координацияләү ресурс үзәге психологлары һәм экспертлары баланы суицидиаль тайпылыштан ничек сакларга, үзләренә ышанмаган яшүсмерләр белән ничек сөйләшергә, баланы тәрбияләү буенча киңәшләр бирәчәк һәм бала белән бергә карарга фильмнар җибәрәчәкләр.

ТР Яшьләр министры Дамир Фәттахов әлеге каналның әһәмиятле булуын үзенең кызы мисалында аңлатты:

- Сабина кызым минем эшемне бик яхшы аңлый. Аның хәзер шундый чоры – барысын да күңелнә якын кабул итә. Ата-ана баласы белән ешрак аралашкан саен аңа якыная, тыңлый һәм аңларга тырыша. Шуңа күрә бу канал бик кирәкле дип уйлыйм, ди министр.