Сөй гомерне, сөй халыкны, сөй халыкның дөньясын!
  • Рус Тат
  • Реклама
    ТАССР 100 ел
    Яңалык/Эксклюзив
    Видео
    • НАРКОТИКЛАРГА - ЮК

    Төрек артисты Али Бурак Джейлан – Казанда – кинофестивальдә!

    Төрек сериалларын бер тапкыр да карамаган һәм актерларына гашыйк булмаган кеше сирәктер, бигрәк тә кызлар. Бүген казанлыларның зур хыялы чынга ашты – Казанга Али Бурак Джейлан үзе килде! 

    5-10 сентябрь көннәрендә унҗиденче тапкыр Халыкара мөселман кинофестивале узды. "Идел" төрек артисты белән иҗади очрашуда булып кайтты.

    Ул Казанга махсус әлеге фестивальнең ябылу тантанасына килүен белдерде. Шуннан башкалабызны ничек ошатуы хакында сөйләргә кереште. Актерны күрергә килгән тамашачылар шактый иде, алар арасында бер ханым аның туганына охшаш булып чыкты – Али Бурак шул тамашачыны кочаклап ук алды.

    Реклама

    Алга таба очрашу аның иҗатына бәйле сорауларга җавап рәвешендә алып барылды. Кинога төшү турында сөйләгәндә, ул һәр тәкъдимгә дә ачык булмавын ассызыклады.
     

    «Актер рольне җанландырырга тиеш, ә ул җиңел эш түгел, өстәвенә кешенең дөньяга булган карашыннан тора. Мин шуңа күрә һәр фильмга да алынмыйм», - диде кунак.

    Сүз уңаеннан, Али Бурак Джейлан Татарстан белән хезмәттәшлек итәргә ризалашкан. Ләкин әлеге проект турында ул тулырак сөйләмәде, сер итеп калдырды. 

    Тамашачылар артистны кич белән тантанада да күрү бәхетенә иреште. «Черная любовь», «Воскресший Эртугрул», һәм башка сериаллар аша таныш булган актер казанлыларның йөрәген яулап китте, яшь кызларны гына түгел, "Кызыл келәм"гә килгән ханымнарны да елмайтты.

    фото: Казан Халыкара мөселман кинофестиваленең рәсми сайтыннан алынды

    Иң мөһим һәм кызыклы язмаларны Татмедиа Telegram-каналында укыгыз


    Нравится
    Поделиться:
    Комментарии (0)
    Осталось символов:
    Реклама
    • Пушкин картасы
    • Милек өчен салымны түләү - 1 декабрьгә кадәр
    • Бөтенроссия халык санын алу (ИНФОГРАФИКА)
    • ВИЧ-инфекция
    • Квалификацияләнгән электрон имза алыгыз
    • ФИНАНС КУЛЬТУРАСЫ
    • Бергә сайлыйбыз!
    • "Язмыш" газетасы
    • Китап тыңла!
    • Kazan Digital Week-2021 (1)