Туй вакытында кәләш ягыннан берәү кияүне һәм туганын үтергән

Яңа Мәскәүдә 23 гыйнварга каршы төндә туй вакытында ике ир-атны атып үтергәннәр. Бу турыда ТАСС хәбәр итте.

«Җинаятьче машина тәрәзәсеннән аткан, аннары билгесез юнәлештә китеп барган», диелә әлегә расланмаган мәгълүматта.

Атудан имгәнгән ике ир-ат җитди яраланган һәм һәлак булган. Алар абыйлы-энеле туганнар. Берсе кияү егете, диелә «Вести» каналы хәбәрендә.

Әлеге фаҗига көнкүреш низагы аркасында килеп чыккан булуы ихтимал. Җинаятьчене тоту өчен «перехват» игълан ителгән, җинаять эше ачылган.

РЕН ТВ каналы хәбәр иткәнчә, мәрхүмнәр Молдавиядә туган кешеләр. Кияү — 36 яшьлек Филипп, аның энесе 34 яшьлек Радик булган. Ир-атлар икесе дә Россия гражданнары. 

Туй бик купшы була, кунаклар күп җыела. Кияү егете кунакларның берсе белән бәхәсләшә. Ул кәләш ягыннан килгән ир-ат булуы ихтимал. Үпкәләгән кунак туйны ташлап китә. Аннары кара машинага утырып кире килә һәм атыш оештыра. Ул алты-җиде тапкыр ата, диелә бу хәбәрдә.

Соңрак атучы кешенең тоткарлануы билгеле булды, дип яза Интертат

Фото: https://pixabay.com/ru