«ВКонтакте»да ЯҢА ҮЗГӘРЕШЛӘР

Сез күбрәк кайсы социаль челтәрдә утырасыз? Бу хәбәребез «ВКонтакте»да утыручылар өчен кызыклырак булыр.

«ВКонтакте»да хәзер яңа функция барлыкка килде, ул «репортажлар» дип атала. Хәзер яңалыкны лентага аерым урнаштырырга һәм әлеге функция ярдәмендә укырга мөмкин булачак. Ул күбрәк спорт матчлары, эшлекле конференцияләр кебек вакыйгаларга туры килә.

Трансляция башлануга төркем язылучыларына хәбәр килә, репортажны трансляция тәмамланып берникадәр вакыт узгач та карарга мөмкин.