Янына табиб килмәгән, пациентның гомере өзелгән

"Мин барганда гәүдәсе бәдрәф янында ята иде. Ул көчле авыртуларга түзә алмыйча гел кычкырган. Ә табиблар дәвалар урынга, аны юләргә санап, башка пациентларга комачауламасын өчен, палатадан коридорга чыгарганнар".

Екатеринбург шәһәренең бер дәваханәсендә пациент бәдрәф янында берничә сәгать кычкырып яткан. Өстәвенә, янына бер табиб та килмәгән, хатын шунда үлгән.
Мәрхүм булган 30 яшьлек Надежда Богданова 7 март көнне үзен начар хис итә башлый. Эче авыртуына зарлана. Ашыгыч ярдәм чакыргач, панкреатит дип, аны шәһәр дәваханәсенә алып китәләр. Беренче көнне терапия бүлегенә салалар, ике төн кунгач, ире Антон Надежданың үлгән хәбәрен ала:

"Мин барганда гәүдәсе бәдрәф янында ята иде. Ул көчле авыртуларга түзә алмыйча гел кычкырган. Ә табиблар дәвалар урынга, аны юләргә санап, башка пациентларга комачауламасын өчен, палатадан коридорга чыгарганнар. Үлгәннән соң, башының бер ягы нык күгәргән икәнен күрдем, палатада ятканда койкасыннан егылып төшеп бәрелгән. Кычкырганы өчен аны акылга зәгыйфь дип уйлаганнар һәм көчле йокы даруы кадап йоклатканнар", - дигән ир.

Антон хатынын реанимациягә салган булсалар, исән калган булыр иде дип уйлый. Хәзер бу хәл белән прокуратура шөгыльләнә, алар вакыйганың барлык нечкәлекләрен беләчәк.

kp.ru